بعد الحكم بالإعدام، القصة الكاملة لمحاكمة المتهم بخطف وقتل صغير بمدينة نصر

تفاصيل مثيرة كشفتها محاكمة المتهم بخطف وقتل صغير بسبب مروره بضائقة مالية، لطلب فدية من والده بمنطقة مدينة نصر، منذ القبض عليه حتي الحكم بالإعدام.

اعترف المتهم بارتكاب الجريمة خلال التحقيق قائلا: أنا كنت فاتح ورشة حدادة وكانت حالتي المادية كويسة وكنت كسيب وبعدين بدأ الحديد يغلى والشغل يقل وظروفي المادية بقت وحشة وبقيت مديون من حوالي سنة تقريبًا، وبسبب ظروفي المادية الوحشة والديون اللي عليا بقيت بهرب من الواقع بشرب المخدرات، وأنا في الأول بدأت أشرب حشيش وبعدها ضربت بالبودر وأدمنته ومعرفتش أبطله، وفلوسي كلها كانت رايحة عليه ودخلت مصحة قعدت شهر بس لما خرجت رجعت اشربه تاني.

وتابع المتهم في اعترافات: أنا بشرب الحشيش من حوالي 3 سنين والبودر من حوالي سنة، وكنت بشتريها من ناس عندنا في المنطقة في عزبة الهجانة وبالنسبة للبودر عشان مش عندنا في البلد فبقالي كذا شهر مشربتوش عشان مش لاقيه، و كنت واخد قرض بـ 10 آلاف جنيه ومبسدش الأقساط اللي عليا، وكنت واخد 5 آلاف جنيه من رشوان على دفعات، وكان كل شوية بيطالبنى بيهم وأنا كنت خايف اتحبس بسبب إني مبسددش القرض، عشان كده قررت أخطف الولد.

واليوم قضت محكمة شمال القاهرة، بمعاقبة المتهم بالإعدام شنقا لإدانته بخطف وقتل صغير بسبب مروره بضائقة مالية، لطلب فدية من والده بمنطقة مدينة نصر.

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.