بيومي فؤاد: ربنا يكفينا قعدة البيت الوحشة، و2013 سنة السعد بعد توقع مراتي
بيومي فؤاد، قال الفنان بيومي فؤاد: "أنا طالع لأبويا وبحب الشغل حتى في صلاتي بقول ربنا يكفينا قعدة البيت الوحشة وكم من فنانين وناس كتير لما يحالوا على المعاش بينقلب حالهم وبيجيلهم اكتئاب خاصة أصحاب الأثر والبصمة، وأنا من قبل الشهرة كنت موظف حكومة وبعمل مسرحيات كتير وممكن 3 مسرحيات في وقت واحد وكنت راضي ومكتف بذلك ومكنش في دماغي الشهرة".
موقف مع يسري نصر الله
وأضاف خلال لقائه ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "سمعت إن نور الشريف وأحمد بدير عملوا كاستنج لفيلم المصير، وعلشان كده بعد شوية من قبل الشهرة عملت كاستنج مع يسري نصر الله لما كان بيعمل جنينة الأسماك ومتخدتش، وبعد كده قاللي أنا مأخدتكش علشان مكنتش هتبقى لايق على الدور وكإنه يبدو اعتذار أو يوضح ما حدث معي بعدما وصلت لمرحلة الشهرة".
أول أجر لبيومي فؤاد
وتابع: "قد إيه جميل العوض بعدما كنت بعمل مسرح ولينا جمهور قليل ومحدش يعرفنا وفي 1997 سنة جوازي عملنا مسرحية عرضناها بعد بروفات سنتين ومكناش لاقيين مكان نعرضها فيه وكان أجري 750 جنيه بس كنت مبسوط إن الناس مبسوطة بالعرض وتصفيقها لينا".
عشق المسرح
وأكمل: "أنا مرة جبت كنبة من البيت في عرض مسرحي وكنا نصرف من جيبنا، وفكرة إن كنت آخد أجر على حاجة بحبها دي نعمة كبيرة وهذا ما تحقق لي".
حب الكرة
ولفت: "أنا كنت حريف كرة، وكنا نلعب في مدرسة وأحيانا قدام سفارة أستراليا وكانوا يمشونا وساعات الشرطة كانت تجري ورانا".
بداية السعد في مشوار بيومي فؤاد
وأشار: "في 2008 مراتي قالت لي سنة السعد بالنسبة لك 2013 وفعلا في 2013 مصر عرفت بيومي فؤاد، وهي لا كانت بتقرأ فنجان ولا ليها في القصة دي ولكن إحساسها بيصدق، وأنا مكنش في دماغي الشهرة، وفي 2008 بدأت تندع شوية وكان فيه فيلم اسمه دكتور سيلكون وكان ليا مشهد ضيف شرف واتشفت كويس أوي ولما عملت في 2013 بمسلسل موجة حارة مع محمد ياسين، وقال لي احنا بنعرف الممثل من جملة من حركة وانت عجبتني في عرض مسرحي اكتشفتك فيه من خلاله".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
