مؤسسة أمهات مصر تتلقى مقترحات أولياء الأمور حول جداول امتحانات الثانوية العامة
قبل أيام قليلة من إعلان جداول امتحانات الثانوية العامة، طرحت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، منشورا على أولياء الأمور لعرض مقترحاتهم حول مواعيد أيام المواد داخل جداول الامتحانات.
جداول امتحانات الثانوية العامة 2024
وتفاعل العديد من أولياء الأمور على صفحة اتحاد أمهات مصر للنهوض بالتعليم، وإئتلاف أولياء الأمور، في الفيسبوك، حيث قالت ولي أمر: "حابه أوضح أن بقالنا سنتين مفيش تكافؤ بين امتحان الجيرمان والفرنش والإيطالي، دايما الجيرمان والإيطالي يجي تقيل والفرنش أسهل بكتير، ومراعاة جدول علمي رياضة بيبقي الأيام الفاصلة بين المواد مش كافية".
امتحانات الثانوية العامة 2024
وأضافت ولي أمر: "ياريت يكون في مدة كافية بين كل مادة والتانية لا تقل عن ٤ أو ٥ أيام تكفي لمراجعة المادة، المناهج كبيرة جدا ومحتاجة وقت للمراجعة خصوصا المواد العلمية، وياريت يراعو الامتحانات يكون معظمها للطالب المتوسط و٣٠% بس للطالب المتميز، مش العكس، زي ما حصل السنة اللي فاتت في الكيمياء والفيزياء والبايو، الامتحان كله كان للطالب المتميز مش عارفة حظ علمي علوم ليه كده.. الطلبة على قدها أوي مش عباقرة والله".
وطالبت ولي أمر آخرى: "نتمني كمان مراعاة الأسئلة ونوعها وتكون مباشره، يعني سيادة الوزير قال مفيش أسئلة تعجيزية ولا اختيارات تكون شبه بعض، ويا ريت يا ريت الأساتذة الأفاضل اللي بيحطوا الامتحان يراعوا أن ده مستقبل أولاد وأولياء أمور بتتعب وتشقي وأنه هيساءل أمام الله يوم القيامة وربنا معاهم ويراضيهم إن شاء الله".
وأضافت ولي أمر أخرى: "ياريت بين المواد تكون أيام كافية للمراجعة ومدة الامتحان تزيد شوية عشان الولاد يلحقوا يحلوا الامتحان بهدوء وبدون توتر، وتراعوا ربنا في تنوع الأسئلة بلاش أسئلة تعجيزية".
"بخصوص علمى رياضة، مراعاة الفترة الزمنية للامتحان بما يناسب مع الأسئلة ومراعاة الفترة بين كل امتحان والآخر وربنا يوفقهم جميعا يارب"، تستكمل ولي أمر أخري: "أهم حاجه أتمني تتحقق إن دخول اللجنة والإجراءات الورقية، الإمضاء والتفتيش وكل الحاجات، ما تبقاش من وقت الامتحان يعني تتم من ٨ أو ٨ ونص مثلا، و٩ الطالب يستلم ورقة الأسئلة فقط ويبقى مخلص كل الإجراءات سابقا، ومدة وقت علمي رياضة نتمني يكون ٣ ساعات لمواد الماث، فترة كافية بين المواد لعلمي رياضة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
