رانيا يوسف تكشف حقيقة لجوئها إلى دجال لفك السحر والأعمال (فيديو)
كشفت الفنانة رانيا يوسف، حقيقة لجوئها إلى دجال من أجل فك الأعمال، قائلة: "أعوذ بالله لأ طبعًا ولا عمري ولا أؤمن بذلك لكن أؤمن بالنوايا وأن ربنا مطلع علي القلوب والأعمال".
موقف رانيا يوسف من الأعمال والسحر
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "مش ممكن حد هيضر حد إلا بإرادة ربنا، وعلشان كدا أنا مش مؤمنة بالسحر والأعمال".
مشكلة فيلم هو فيه كده
ولفتت: "لو رجع بيَّ الزمن مستحيل أعمل فيلم "هو فيه كده" لإني مضيت على فيلم لقيت فيلم تاني وفعلًا انسحبت وما كملتش وعمل لي مشكلة في النقابة والمخرج راح بلغ عني، لإني أنا كنت البطلة والأخت اللي كانت موجودة كانت بتعمل دور 3 مشاهد ومش عايز أشهرها لإنها نكرة أساسًا، وبعد ما صورنا أسبوعين لقيتها هي اللى في كل الألبومات، وما كلمتش طبعًا".
أسوأ تجربة لرانيا يوسف وقصة الخذلان
وتابعت رانيا يوسف: فيلم "هو فيه كده" أسوأ تجربة لي في السينما، وأكبر قصة خذلان لي في حياتي كانت من صديقة لي وعندما احتجت لها لم أجدها بجانبي بعد 25 سنة صداقة فقمت بعزلها عني وقطع علاقتي بها.
في نفس اللقاء، قالت الفنانة رانيا يوسف: "مش فاهمة إيه قصة الدريس كود اللي الفنان حسين فهمي عملوا مخصوص علشاني".
الهدف من المهرجانات
وتابعت: "الهدف من المهرجانات يشوفوا رانيا يوسف هتلبس إيه وأنا بقول أهم هلبس إيه هلبس فستان أو حاجة لافتة للنظر، والدريس كود مش هنلبس فيه ينيوفورم لكن حاجة تليق بالحدث".
الدريس كود وغرض حسين فهمي
وأضافت: "أنا مش ضد الدريس كود، وما اتهيأليش إن الفنان حسين فهمي يقصد أننا ما نلبسش حاجة مفتوحة أو أوفر أوي، لكن الطبيعي أن مهرجان سينمائي دولي إننا نلبس كويس أوي مش هنلبس عبايات، ولازم لما يبقى فيه حدث نلبس زي ما برة بيلبسوا، ما حدش بيأفور في اللبس عندنا أنا الوحيدة اللي أفورت في اللبس وخلاص الموضوع خلص".
قصة بلاغ رانيا يوسف عن المتحرشين
وعن بلاغها ضد المتحرشين في 2020، علقت: "فيه ناس اعتذرت وبعتت لي على الإنستجرام وفيه ناس اتاخذت ضدهم الإجراءات القانونية وأنا ما تابعتش، ولما حسيت إن فيه ناس راجعت نفسها قلت خلاص سامحي بقى، أنا شخصية مسامحة بس اللي يجي جنبي أخربشه، وأنا من حقي آخد حقي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
