سميرة صدقي تكشف كواليس مشهدها المثير للجدل مع محيي إسماعيل: خرج عن النص ومسك فيا

كشفت الفنانة سميرة صدقي، كواليس مشهدها المثير للجدل في فيلم "أنا والعذراء والجدي" والذي شهد خروج الفنان محيى إسماعيل عن النص.
 

العلاقة مع محيى اسماعيل

وقالت سميرة صدقي خلال لقائها ببرنامج "الستات" الذي تقدمه الاعلامية مفيدة شيحة بقناة "النهار":"ليس لدي أي مشكلة مع محيى إسماعيل وهو ممثل كويس، ومفيش ما بينا مشاكل، ومعنديش مانع اعمل معاه أي دور جديد".

حقيقة اعتداء محيى إسماعيل علي سميرة صدقي

وأوضحت: لم أقل أن محيى إسماعيل اعتدى على في فيلم "العذراء والجدي"، كل ما في القصة أنه خرج علي النص المكتوب في السيناريو.

خروج محيى إسماعيل عن النص

وتابعت:"محيى إسماعيل كان بيجسد دور الجدي والمفترض أنه كل ما يجي ينام جنبي يعيط وميقدرش يقرب مني لإنه معقد نفسيا، وأنا عذراء، وفجأة لقيته في المشهد جاي ماسك فيا وبيعمل مشهد خارج النص ومعيطش فقلت للمخرج مينفعش كده، ومش ده المفروض يتعمل، وقتها قمت من المشهد وكلمت أحمد النحاس وقلت له المشهد اللى بيتعمل ده غلط".

محيى إسماعيل يكشف عن سبب غريب لعدم إنجابه أطفال (فيديو)

محيى إسماعيل يحدد موعد تصوير فيلم معمر القذافي، ويروي قصة خلافه مع نور الشريف

اعتذار محيي إسماعيل لـ سميرة صدقي

ولفتت:"محيى إسماعيل وقتها اعتذر ليا ودخلي الأوضة، وقاللى معلش انا كنت بصور فيلم تاني وربطت الاتنين في بعض".
 

وقال الفنان محيى إسماعيل في حديث سابق:"انا اتجوزت أرمل علشان مخلفش لأن أنا صغير وكان عندي 25 سنة بعد فيلم الأخوة الأعداء، لقيت كل بنت أجي أحبها أقولها عن إذنك  فتقولي ايه ده هتسيبني ورايح فين، أقولها رايح أشوف شغل، فتقولي ياه كده ولقيتهم كلهم زي بعض، فرفضت اتجوز".
 

سر عدم زواج محيى إسماعيل في سن صغيرة

وتابع خلال الجزء الثاني من لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"لما كنت صغير لقيت الشقة من حق الزوجة والموهبة هتضيع وجيبي مفيهوش فلوس وعايزة اجيب شقة ولو جبت عيل المحاكم هتشتغل، وموهبتي أقوي من أي واحدة، ودي كانت الظروف فقلت مش هاتجوز ولا عايز اجيب عيال".
 

سبب رفض محيى إسماعيل الإنجاب

وأضاف:"قلت هاقوي نفسي الأول ماديا، وبعدين اتجوز، ولما اتجوزت اتجوزت كبير أرمل ولو اتجوزت واحدة صغيرة وانا كبير هاجيب عيل أموت وهي تضيع".

نقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.