عمرو أديب: محمد صلاح رجع وبيقول أنا الموهوب العبقري أنا ابن مصر أنا ضد الكسر| فيديو
أعرب الإعلامي عمرو أديب، عن سعادته بتألق محمد صلاح وقيادته ليفربول للفوز على مانشستر سيتي في الدوري الإنجليزي.
درس ليفربول أمام مانشستر سيتي
وقال عمرو أديب خلال برنامج "الحكاية" المذاع على قناة "إم بي سي مصر": "هناك درس نتعلمه من ماتش ليفربول ومانشستر سيتي، أنه لا تيأس ولا تتراجع وإنك وارد دايمًا ترجع للعبة وتقف على رجليك، وليفربول المكسور اللي في المركز الـ11 بيلعب مع المركز الثاني الفريق الأغلى والأقوى في العالم واللي فيه هالاند واللي كله رشحه يكسب ليفربول 5 معملش حاجة".
قوة فريق ليفربول
وتابع: "فريق ليفربول بقيادة صلاح منزلوش مهزومين لكن عندهم رغبة قوية في المكسب، وابننا محمد صلاح من أول لحظة بيحرجهم وبيحرك ومجهود وتعب وبيتضرب ويضرب وبيرزلوا عليه وبيغلس عليهم، لحد لما استخلص الكورة وخد المدافع في ضهره وراح هو والجون وحط الجون".
ريمونتادا محمد صلاح
وأكمل: "النهاردة محمد صلاح بيقول أنا ريمونتادا أنا أرجع أنا موهوب أنا عبقري أنا ابن مصر أنا ضد الكسر".
مذبحة كُروية
وتابع: "الدرس اللي يتعلمه كل لاعيبة الكورة أن الكرة كلها تعب وعرق، وشاهدنا مذبحة كُروية بين ليفربول ومانشستر سيتي، وفان دايك حط هالاند في جيب الساعة الجواني بتاع البدلة".
هدف عالمي لمحمد صلاح
وأضاف: "محمد صلاح أحرز هدفا عالميا، وقلت لكم هيرجع واقفوا جنبه وابننا محتاج الناس تقف جنبه وهيعملها وعمل النهاردة العملة الكبيرة وجاب جون تاريخي، وبص لنظرته وهو بيبص للناس كلها بعد الهدف وبيقولهم أنا أهو قمر 14 أهو".
تحدى وقدرة محمد صلاح
ولفت: "محمد صلاح مكنش حد قادر يوقفه لأن فيه عزيمة وإصرار وتحدى وأنه مبيقعش وقادر يكمل ويحرز الأهداف، ألف مبروك يا صلاح".
