أحمد سعد ردًا على تاتو العمرة: 99% من الشعب المصري أزهري.. وأنا مش بايظ

رد المطرب أحمد سعد على الهجوم الذي تعرض له بسبب "التاتو" الذي ظهر به أمام الكعبة المشرفة خلال أدائه مناسك العمرة.

سبب وضع الوشم

وأوضح أحمد سعد خلال لقائه ببرنامج “الحكاية” الذي يقدمه الإعلامي عمرو أديب بقناة “mbc مصر”: "كان عندي جرح في إيدي وفيه خياطة وحتة من اللحم كانت داخلة لجوه، وده اللى خلَّاني عملت الوشم".

طبيعة الشعب المصري

ولفت: "99% من الشعب المصري أزهري على طبيعته وفطرته، ولهم رأي في الدين دايمًا، وسابوا كل حاجة وعلقوا على الوشم وبعدين روحت جاي حاطط على الصورة دعاء، أنا مش بايظ وأؤدي فرض الله".

هجوم السوشيال ميديا

وأضاف: "الناس سابوا الدنيا كلها وقالوا الوشم اللى على إيده، ويا كافر وهتضرب، وأنا حاطط السبحة على إيدي علشان أعد لفات الحرم المكي ولقيتهم بيقولوا على السبحة حظاظة".

أزمة أحمد سعد في الحرم المكي

وأشار: "واحد مصري جرى ورايا في الحرم المكي وقال لى انت بتعمل إيه؟! انت لابس شبشب في الحرم، فمسكته ورُحت للناس اللى قاعدة هناك: ده حرام قالوا لي لأ مش حرام، ومش عارف ليه الناس بتعمل كده، خليك مع رحاب الله.. انت بتبص على غيرك ليه؟!".

أحمد سعد: حضَّرت أغنية لو الأهلي فاز.. وعمرو أديب: نقبك طلع على شونة | فيديو

أحمد سعد: مراتي ترمومتر حياتي وأسمع كلامها في كل حاجة

إشادة عمرو أديب

وأشاد الإعلامي عمرو أديب، في نفس اللقاء، بالأداء القوي الذي يقدمه المطرب أحمد سعد الفترة الأخيرة، قائلًا: "نحتفل بعام السعد لأحمد سعد".

نجاحات أحمد سعد

وتابع عمرو أديب، موجهًا رسالة لأحمد سعد: "أنت كنت كسول كسل رهيب.. إيه النشاط اللي انت فيه دلوقتي، كل أغانيك ضرب ضرب كده، أحمد متكسلش انت نجمك طالع".

قوة أحمد سعد

من جانبه، علق المطرب أحمد سعد، خلال نفس البرنامج: "زمان كان عندي مصنع شماعات، ولكن لما اشتغلت وركزت فعلًا جت لي فكرة أن أبص على مشكلتي ومليش دعوة بالناس، وابتديت أبص على نفسي من جوة، والحمد لله حققت نجاحات، وفعلًا الحاجة الحلوة الناس بتدور عليها".

دور زوجة أحمد سعد

وتابع: "مراتي هي الترمومتر بتاعي ومفيش حاجة بتعديها لي وكانت نايمة، ودخلت على التيك توك".