موقف مؤثر في حياة سيد رجب سبب دخوله عالم التمثيل | فيديو
كشف الفنان سيد رجب عن موقف مؤثر في حياته كان سببا في دخوله عالم الفن وذلك من خلال لقائه في برنامج "كلام في سرك" قائلا: "أنا كنت صغير ومكنتش لسه عارف عايز أعمل أيه بس كان في واحد صاحبي الله يرحمه قالي احنا بنعمل فرقة مسرح تيجي معانا وروحت لاقيت واقع غريب جدا عليا".
وتابع سيد رجب "عملنا مسرحية أسمها "حكاية بلاد نمم" كانوا الناس بيكلوا بعضا في المسرحية وكنت بقول كلمة واحدة بس اللي هي "حاضر" وفي الأخر بتاكل بس طبعا كنت مبسوط جدا وفرحان".
وأضاف “ واحد من الجمهور قالي بعد المسرحية علي فكرة أنت ممكن تبقى ممثل كويس أوي أنا فرحت أوي ومن رد فعل الراجل ده ومن رؤيتي للواقع اللي أنا شوفته لأول مرة في حياتي ده حسيت في لحظة لاقيت حياتي أو المكان اللي المفروض أكون فيه ومن اللحظة دي ماسبتيش المسرح ولا التمثيل لغاية دلوقتي ولو مكانش صاحبي ده اللي يرحمه قالي تعالي معانا مكنش هابقي ممثل دلوقتي”.
يذكر أن شارك الفنان سيد رجب في بطولة مسلسل المشوار للنجم محمد رمضان والنجمة دينا الشربيني والذي عرض في شهر رمضان لهذا العام، حيث كان يجسد شخصية “الحاج سالم”.
