شاهد.. تامر حسني يتذكر دلال عبد العزيز بمشهد من فيلم "البدلة"
شارك النجم تامر حسني الجمهور بمقطع فيديو مع دلال عبد العزيز من فيلم البدلة وذلك من خلال حسابه الشخصي عبر موقع تبادل الصور والفيديوهات "إنستجرام".
وعلق “تامر” على الفيديو قائلًا: "اللي عملها أستااااااذ بالمره بقى بعد إذن الجميع اللي شاف الڤيديو وضحك.. يا ريت يدعي بالرحمة للفنانة الراحلة دلال عبد العزيز والفنان الراحل سمير غانم وكل أمواتنا وربنا يخليكم لبعض يا أغلى الناس.
تامر حسني
وفي سياق آخر نشر تامر حسني، مقطع فيديو من إحدى حفلاته الغنائية وذلك على حسابه الشخصي عبر موقع التواصل الاجتماعي "فيس بوك".
وعلق "تامر" علي الفيديو قائلًا: “المشهد دا كان أكتر مشهد بحلم بيه من وأنا صغير تقريبًا كنت بشوفه كل شهر بأشكال مختلفة وكنت بسأل نفسي طب يا رب أنا هتشهر بالشكل دا والناس هتحبني كدا في أي مجال عشان ساعتها كنت بلعب كورة بس كان عندي إصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فبيخليني احتياطي موسم كامل ودا شيء محبط لإني كنت مصنف لاعب مهاري كويس”.
وتابع: “والموضوع دا اتكرر معايا في الزمالك والأهلي والاتنين استغنوا عن خدماتي يعني زي ما تقولوا كدا في ظروف كانت بتتجمع عشان أفهم إن الكورة مش مستقبلي رغم تعلقي بيها الجنوني بس أتاري ربنا كان كاتب لي مستقبل تاني وأفضل ليا بس عرفت دا لما دورت جوه نفسي بجد”.
وأكمل “بمساعدة أو معجب ليا أول fan في حياتي والوحيد اللي كان مصدقني وهي أمي يعني مهم أوي إنك تدور جوه نفسك عشان لازم هتلاقي ربنا ما خلقكش فاضي وأتمنى من الأهل إنهم يركزوا مع ولادهم في أصغر سن ليهم ويفضلوا دايمًا يكلموهم عن الحلم والطموح والنجاح.. بكتب الكلام دا وواثق مليون في المية إن فيكم حد محتاج يسمعه وكان مستنيه الإشارة جت أهي ما لكش أو ملكيش حجة”.
